Páskaleti!

Jæja ætli það sé ekki kominn tími á smá fréttaskot frá Svíþjóð, svona áður en þið hættið að nenna að kíkja á þessa síðu.  Það er ekki laust við að það sé ennþá smá páskaleti í húsinu amk í bloggi…..  Við höfðum það annars súpergott yfir páskana!  Fengum góða gesti, borðuðum góðan mat, slátruðum risastóru páskaeggi og ég held barasta að ég sé ennþá södd!  Katrín var sérstaklega ánægð með að fá gesti og elti þá á röndum fyrstu dagana.  Hún var ekkert feimin þrátt fyrir að hafa ekki séð ömmu, afa og Sigga í tvo mánuði og Önnu hafði hún ekki séð í einn mánuð. 

Annars er komið sumar hér í Svíþjóð, loksins!  Katrín er farin að hlaupa um húfulaus og á tásunum, finnst það voðalega gaman!  Svo erum við búin að fá okkur stól fyrir hana á hjólið, það finnst henni alveg frábært.  Mamma hennar er hins vegar stressaðari yfir þessu og fer ekkert í mjög langar hjólaferðir.

Var svo að hlaða inn myndum á barnalandssíðuna, endilega kíkið!

Kveðja, Elín og co 

6%

create your own visited countries map or vertaling Duits Nederlands

Sá þetta próf hjá Önnu og varð að prófa.  Ég hef séð 6% af heiminum sem þýðir að 94% eru eftir!  Það er soldið mikið, en Ásgeir á meira eftir en ég….

Fagnaðarfundir

Dagurinn í dag er sko búinn að vera frábær!  Í hlaðinu stendur eitt stykki Ford Fókus og skáparnir eru fullir af íslensku góðgæti, mmmm.  Nú getum við hætt að staulast fótgangandi út í búð og halda á níðþungum pokum til baka, jibbíííí.  Nú þurfum við bara að koma elskunni á sænsk númer!  Okkur skilst að það eigi nú ekki að vera mikið mál, þurfum að fara með bílinn í skoðun áðun en þeir samþykkja hann sem sænskan ríkisborgara og eftir það fáum við númerin.  Þetta hljómar voðalega einfalt en miðað við fyrri reynslu okkar af sænska kerfinu gæti þetta nú orðið eitthvað snúið, en það kemur bara í ljós!  Aðalmálið er að hann er kominn…..

Hér er svo góðgætið sem fylgdi bílnum, ég er nú þegar búin að slátra hraunbitunum og er byrjuð á lakkrísnum.  Er það eitthvað græðgislegt?? Katrín græddi líka á þessari sendingu.  Hún fékk matarkex, cheerios og bækur!  Cheeriosið eða ósið eins og hún segir vakti mikla kátínu í morgun! 

Á morgun verður svo brunað út á Arlanda að sækja mömmu og pabba.  Mikið verður nú gott að fá þau í heimsókn.  Kannski langþráður draumur okkar Ásgeir um að sofa út rætist núna um páskana??? Vonandi koma þau líka með páskaegg.  Sænsku páskaeggin eru nefnilega úr plasti og það bragðast ekki jafn vel og súkkulaði!

Hann er á leiðinni….

Þá er búið að leysa Fókusinn út úr tollinum.  Það tók sinn tíma enda pappírarnir hjá okkur eitthvað pínu mis…..  En þeir gáfu sig þessar elskur enda svo sem engir stórglæpamenn á ferðinni.  Núna er Ásgeir sem sagt á leiðinni frá Gautaborg.  Áætlaður komutími til er 22:00 í kvöld….

Veðuröpdeit

Jæja örvæntið ekki kæru vinir sem eruð að koma í heimsókn!  Í dag var sól og bongóblíða.  Sögur segja að fjölskyldan á Bellmansgötunni hafi farið í sólbað.  Að sjálfsögðu var fyrsta tækifærið til að sleikja sólina nýtt enda sannir Íslendingar sem förum í sólbað um leið og mælirinn fer yfir frostmark!  Hér er annars veðrið í dag….