Mér finnst það hálf ótrúlegt EN þetta eru sömu börnin, Ísabella, Katrín og Teddi og Tómas á neðri myndinni. VÁ hvað tíminn líður hratt! Held að þau verði fermd áður en við vitum af.
Katrín heldur áfram að koma mér á óvart. Svaf á leikskólanum í gær og það var ekkert mál. Algjör hetja!!!
Fyrir áhugasama þá setti ég inn myndir frá Íslandsferð í sumar á barnalandssíðuna hennar Katrínar! Já ég veit soldið sein að þessu öllu. Næsta verkefni eru myndir frá flutningum…
Annars er Katrín núna á leikskólnaum og húsmóðirin veit ekki alveg hvað hún á að gera af sér. Er búin að drekka næstum heila kaffikönnu og kíkja í blöðin. Maður ætti kannski að drífa sig í að skúra og þrífa en er ekki alveg að nenna því núna…. Það hleypur víst ekkert frá manni. Í dag á Katrín að sofa á leikskólanum, hmmm veit nú ekki alveg hvernig það á eftir að ganga. Daman hefur nefnilega ákveðið að núna sé hún orðin stór stelpa sem þurfi ekki að leggja sig á daginn. Foreldrarnir eru ekki sammála og hefur verið háð hörð barátta um þetta síðustu daga. Ég veit ekki hvaðan dóttir mín hefur þessa þrjósku en hún virðist ætla að vinna þennan slag! Spenndi að sjá hvað hún gerir á leikskólanum
Jæja þá erum við LOKSINS komin með netið aftur!!! Alveg ótrúlegt hvað allt tekur langan tíma hér í Svíþjóðinni…. Held að ég muni seint venjast því. Við Ásgeir höfum reyndar velt því fyrir okkur hvort Svíarnir séu svona slow eða við svona sein að öllu. Ég meina sko er eðlilegt að biðja um flutning á neti og síma mánuði áður en maður flytur inn??? Þannig að ég hef verið löglega afsökuð í sambandi við bloggleysi og myndaleysi. Þarf nú að fara að redda því.
Annars erum við búin að koma okkur ágætlega fyrir. Allir kassar tómir, húsgögn komin á sinn stað og það eina sem er eftir er að hengja upp myndir og gardínur! Uppsala lofar líka góðu og það verður að viðurkennast að þetta er mun skemmtilegri borg en Västerås! Hverfið okkar er reyndar hálfgert byggingarsvæði ennþá. Vöknum við sprengingar og læti á morgnana. Það er svo sem allt í lagi EN þeir byrja klukkan SJÖ!!! stundum fyrr. Come on, held að þetta fók sé á öðru tímabelti en við. En sem betur fer stimpla þeir sig út á réttum tíma og eru í fríi um helgar!!!
Katrín er svo byrjuð á leikskólanum og kann bara ágætlega við sig. Hún er farin að vera ein í rúma tvo tíma og það hefur gengið vel. Svo kemur hún heim og syngur kalli litli kónguló og imse vimse spindel saman það er frekar fyndið. Kalli litli kónguló klättrar upp för trån, svo kom rigning spular spindel bort…… Þessir krakkar eru svo miklir svampar. Við vourm að tala um að hún yrði ein á leikskólanum og þá sagði hún bara mamma kommer! Litli Svíinn minn…
Ég var víst búin að lofa myndum af húsinu, reyni að redda því á næstu dögum!
Bestu kveðjur frá familíunni í Uppsala!
